'Ngigculisekile ngeBafana Bafana'

Johannesburg – Ukukhishwa kweBafana Bafana emqhudelwaneni we-Africa Cup of Nations akumele kusidumaze kakhulu kodwa kumele kube yithuba lokubhekisisa okungahambanga kahle, kusho uNgqongqoshe wezemidlalo uFikile Mbalula ngoLwesibili.

"Kuningi esikubonile kulo mqhudelwano we-Afcon,” usho kanje esitatimendeni.

"Njenganoma yiluphi uhambo, umuntu uyazuza noma alahlekelwe, kumele sibhekisise okungahambanga ngendlela.”

INingizimu Afrika iphume kabuhlungu kowe-Africa Cup of Nations ngemuva kokushaywa yiGhana eMongomo ngoLwesibili ebusuku, kubika iSport24.

Funda nalolu daba: IPirates izimisele ngokuvikela isicoco.

UMbalula uthe iBafana ifunde lukhulu kulo mqhudelwano waphinde wathi, “Ukunqoba i-Afcon bekungekho nakancane emiqondweni yethu.”

Uphinde wathi ukuqokwa kukaMashaba njengomqeqeshi weqembu lesizwe kwaba yisinqumo esihle kunazo zonke ezake zenziwa yiSA Football Association (SAFA).

UMbalulu uthe ugculisekile ngendlela iqembu lesizwe elidlale ngayo waphinde wathi isizwe kumele sibekezele, sigxeke ngendlela eyakhayo futhi siqhubeke nokweseka iqembu.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).