Ngihlale nginqoba eMoses Mabhida - VV

Johannesburg – Umqeqeshi we-Orlando Pirates usephendule inkulumo kaBernard Parker ethi uhlale ewashaya amagoli eMoses Mabhida wathi naye uhlale enqoba kule nkundla.

Ngokubika kwe-KickOff lo mqeqeshi ukusho lokhu ngesikhathi kunengqungquthela yabezindaba yomdlalo wamanqamu weMTN8 ozoba ngoMgqibelo kule nkundla eThekwini.

“Umyalezo engiwubhekisa kuBernard Parker ngokuhlale eshaya igoli eMabhida – name ngithi ngihlale ngizidlela ibhece kule nkundla,” uVladmair Vermezovic.

OLUNYE UDABA: U-VV usebheke owamanqamu

Kubikwa ukuthi nonozinti weBhakabhaka uSenzo Meyiwa uselibeke ngembaba ukuthi uParker akanawo amandla okushaya igoli uma kuvimbe yena.

“Akaqinile ngokweqile ensimini,” kusho uMeyiwa.

UVermezovic usekuqinisekisile ukuthi bonke abadlali beBhakabhaka bakulungele ukudlala njengoba abadlali ababenezinkinga zokuthinteka uThandanani Ntshumayelo noPatrick Phungwayo bazobe bekhona.

Kubikwa ukuthi u-VV akacacisanga ukuthi uThabo Matlaba uzokwazi ukudlala njengoba athola ikhadi elibomvu.

Lo mdlalo ophakathi kweKaizer Chiefs nePirates ubhekwe ngabomvu ngalandeli bala maqembu kwazise sekuneminyaka eyizimbanga futhi abalwa njengamaqembu amakhulu eNingizimu Afrika. UVV uthe lo mdlalo uwubona uzophela ngemuzuzu engu-90 nje kuphela.

    - “Like” ikhasi lethu kuFacebook ukuze uthole izindaba ngolimi lwakho

    - Landela IzindabaNews24 kuTwitter