“Asibona abangani abakhulu nomqeqeshi futhi lokho akusiyo imfihlo,” kusho uMiddendorp ngemuva kokuthi iCeltic iguqiswe yi-Ajax Cape Town, eKapa, ngoLwesithathu ebusuku.
UMiddendorp wacasula i-SA Football Association ngesikhathi enqaba ukukhulula omunye wabadlali beCeltic, uTshepo Chaine, koweSouth Africa Under-20 – eyayiqeqeshwa nguMashaba ngaleso sikhathi.
OLUNYE UDABA: UMashaba wenze izinguquko kwelizodlala neNigeria
Ngaleso sikhathi iCeltic yathi incamela ukuthi uChaine abe yingxenye yezinhlelo zikamqeqeshi njengoba kulungiselelwa ukuqala kwesizini, kunokuthi amele iNingizimu Afrika.
"UMashaba uholele i-Under 20 koweYouth Championships neBafana kowe-African Cup of Nations. Ungumqeqeshi onohlonze ngakho kumele simeseke,” kusho uMiddendorp.
“Akekho umuntu onelungelo lokushaya uMashaba indiva, kumele simeseke ngokupheleleyo ukuze umsebenzi awenze ngendlela.”
UMiddendorp uthi akanawo nomncane ungabazane ukuthi uMashaba uyameseka.
- “Like”
ikhasi lethu kuFacebook ukuze uthole izindaba ngolimi lwakho