Umashaba uthe akakuze kube mungcu la bekukhona khona uSenzo, wathi abashaye amavuvuzela bacule nengoma evamise ukuculwa uma kudlala iqembu lesizwe.
"Le nale, iBafana iyaphumelela," kucula uMashaba nabalandeli bakaSenzo ngaphambi lokuthi uMashaba ajule ngenkulumo yakhe.
Funda nalolu daba: Meyiwa yooo My number one
UMashaba ukhulume wachaza ngokuzinikela kukaMeyiwa nangendlela abeshintsha ngayo isimo uma kuyodlalwa, nabethanda ngayo ukukhuluma.
"Ubeke angibize athi, weCoach, ngiphendule ngithi weMdlali, athi akudliwe siqede siyosebenza. Ubesho lokhu abanye bambuke kabi bethu ufuna ngiyobafukuzisa," kukhuluma uMashaba okhumbule izinsuku ekudlule ngazo emhlabeni uSenzo, nabanye bezemidlalo ebekuyisikhumbuzo sabo kuyo le nkonzo, uMbulaeni Mulaudzi noPhindile Mwelase.
UMulaudzi ubengumsubhathi kanit ushone ngoLwesihlanu engozini yemoto, uMwelase ubengumshayi wesibhakela, washona ngemuva kokuquleka.
UMashaba uthe imindeni elahlekelwa ayingabe isabuza okuningi, wathi ayifike emakhaya ifunde incwadi ka-Izaya41:10, iduduzeke.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).