Durban – OwayeyisiSekela lomqeqeshi weBafana Bafana uKhabo Zondo usejoyine iqembu leziqumama zaseThekwini zakwaMpisane iRoyal Eagles njengoMqondisi wethimba labaqeqeshi.
Ngokubika kwe-SoccerLaduma uZondo
oneminyaka engu-52 ubudala uke waqeqesha iqembu lesizwe labangaphansi
kweminyaka engu-20 ubudala Amajita eminyakeni eyedlule.
Leli qembu
lisathole amaphuzu amathathu nje kuphela emidlalweni emine.
OLUNYE UDABA: Bethula iqembu lebhola abakwaMpisane
IGeneral Manager
yaleli qembu uRichard Makhoba ukuqinisekisile ukuthi leli qembu seliqashe
uZondo.
“Sesiqashe uZondo ukuba aguqule izinto eqenjini nesimo esibhekene naso.
Asimqashele ukuthi athathe umsebenzi wabantu ngoba akekho esizomxosha.
Ukuba
nomuntu onesipiliyoni sikaZondo eqenjini kuzosisiza kakhulu,” kusho uMakhoba.
Leli qembu selilahlekelwe ngabantu okubalwa kubo uDavid Bright noMlungisi ‘Professor’
Ngubane.
- “Like” ikhasi lethu kuFacebook ukuze uthole izindaba ngolimi lwakho