OweBafana uncome i-Orlando Pirates

Johannesburg – Umqeqeshi weBafana Bafana uShakes Mashaba uncome ukuzimisela nokudlala kwe-Orlando Pirates emqhudelwaneni weCAF Confederationa Cup ngokusho kombiko.

Lo mqeqeshi uthe uyabahlonipha kakhulu abadlali baleli qembu ngokudlala kabo kulo mqhudelwano njengoba besaqhubeka nokuzakhela igama e-Afrika.

UMashaba uthe abadlali beBucs balikhuphulile kakhulu izinga lebhola likanobhutshuzwayo eNingizimu Afrika ngoba bayakwazi ukubhekana namaqembu amakhulu e-Afrika futhi baphume phambili.

OLUNYE UDABA:Izinto zihamba kahle kakhulu, kusho owePirates

“Ungahluleka ngokuningi okumayelana nobuchule balo mdlalo kodwa uma uqinile futhi ukulangazelele ukunqoba lokho kwenza impilo ibelula.

Lokhu kwenza umqondo wakho nenhliziyo ivuleleke ikhombi intshisekelo yempumelelo,” kusho uMashaba ngokubika kweKickOff. 

“Lokhu okwenziwa yiPirates kuhle kakhulu ngoba uzokhumbula ukuthi ngo-1995 yanqoba iChampions League kwathi ngonyaka olandelayo 1996 iBafana Bafana yanqoba i-AFCON.”  

Emaqenjini aseNingizimu Afrika iPirates iyona evamise ukwenza kahle emqhudelwaneni yase-Afrika njengopa kuzokhumbuleka ukuthi ngonyaka owedlule yafinyelela kowamanqamu koweChampions kodwa yahluleka ukuhlaba nenkanyezi.

        - “Like” ikhasi lethu kuFacebook ukuze uthole izindaba ngolimi lwakho

            - Landela IzindabaNews24 kuTwitter