Johannesburg – Sinikezwe ikhefu lokuzilela ilungu lomndeni isiqongqwane sasemuva se-Orlando Pirates iSiyabong Sangweni osekuvele ukuthi ngeke adlale uma ezakhe sezibhekene neZamalek koweConfederation Cup.
USangweni ongomunye wabadlali asebemnkantshubomvu kwiBucs unikezwe ikhefu ukuze akwazi ukubhekana nesimo sokushonelwa udadewabo okuthiwa ugule isikhashana ngaphambi kokudlula emhlabeni.
OLUNYE UDABA: Ifu elimnyama kushona oweqembu lePSL engozini
Ngokibika kweKickOff uNsimbi akazange azilolonge neqembu ngoLwesibili ngemuva kokudedelwa ukuba agoduke ayekubo Empangeni.
IPirates kulindeleke ilibangise Mpumalanga ukuyokwenza amalungiselela omdlalo wayo neZamalek ozoba ngoMgqibelo eMbombela Stadium.
Kulindeleke ukuthi indawo kaSangweni ivalwe uRooi Mahamutsa ongalijoyinanga leli qembu ngesikhathi lidlala eCongo ne-AC Leopards ngenxa yokumiswa.
- “Like” ikhasi lethu kuFacebook ukuze uthole izindaba ngolimi lwakho