Johannesburg – Ukaputeni omusha weKaizer Chiefs uSiphiwe Tshabalala uvumile ukuthi bayabakhumbula abadlali abasanda kushiya kuleli qembu u-Itumeleng Khune, Tefu Mahsamaite noMandla Masango.
Laba badlali bobathathu bashiya leli qembu ngemuva kokungavumelani ngokuvuselelwa kwezinkontileka zabo kuleli qembu.
UShabba obesondelene kakhulu noKhune noMasha usanda kuqokelwa esikhundleni sokuba ukaputeni weqembu ngesizini ka-2015/16.
Lo kaputeni uveze ukuthi angathanda laba badlali babuyele kwiChiefs.
“Siyabakhumbula laba abanye abadlali abangasekho nathi eqenjini.
OLUNYE UDABA:'Ngeke sakungabaza ukuthi uKhune uyinkunzi'
Besengidlale noKhune iminyaka eyisithupha kanti besisondelene kakhulu.
Ngifunde lukhulu kubona kanti bengithandaba baqhubeke nokudlalela leli qembu,” esho.
“Bonke bangabadlali abasezingeni kanti kungakuhle uma singabuye sibe nabo eqenjini.
Sibakhumbule bonke ngokudlala kwabo, sisalinde ukuzwa ukuthi kuzokwenzakalani kubona.
Uma kwenzeka begcina bengabuyanga ngibafisela inhlanhla lapho bezoya khona,” kuphetha lo mdlali ngokubika kweSoccerLaduma.
- “Like” ikhasi lethu kuFacebook ukuze uthole izindaba ngolimi lwakho