Johannesburg – Umqeqeshi weFree States Stars uTom Saintfiet uthe ubona sengathi iqembu lakhe libanjwe inkunzi emdlalweni weqembu lakhe ne-Orlando Pirates ngoMgqibelo e-Oralndo Stadium eGoli.
Ngokubika kwe-KickOff lo mqeqeshi ukhale ngokuthi kuphikwe igoli le qembu lakhe asola ukuthi livinjwe nguThandanani Ntshumayelo selingenile epalini elikhahlelwe nguRichard Henyekane ngomzuzu ka-89.
IStars sishaywe ngegoli elilodwa eqandeni kulo mdlalo we-Absa Premiership obungoMgqibelo ebusuku eliqotshelwe phakathi nguDane Klate.
OLUNYE UDABA: UMasehe usebheke isizini elandelayo
Lo mqeqeshi uphinde wakhala nangomdlali weBucs uKhethowakhe Masuku athe bekumele athole ikhadi elibomvu ngemuva kokuba ekhahlele ngamabomu uBokang Thlone ophuke umhlathi waphuthunyiswa esibhedlela.
“Kuhlale njalo kugqugquzelwa ukuthi sidlale ibhola elihloniphekile kodwa angikubonanga lokho kulo mdlalo njengoba siphikelwe futhi sinomdlali osesibhedlela,” kusho lo mqeqeshi ngemuva kwalo mdlalo.
Uthe uthole umyalezo oqhamuka phesheya kwezilwandle uqinisekisa ukuthi nebala bekuyigoli leli eliphikiwe.
- “Like” ikhasi lethu kuFacebook ukuze uthole izindaba ngolimi lwakho