Johannesburg - Kubikwa ukuthi usefikile eBethlehem ukuzoqala umsebenzi wokuqeqesha iFree State Stars umqeqeshi wodumo u-Ernst Middendorp, ngokuthola kweKickOff.
Lo mqeqeshi odabuka eGerman ungene ezicathulweni zikaKinnah Phiri, okhonjwe indlela ngemuva kokuhlulwa imidlalo emithathu yeiligi ilandelana, utheleke namhlanje ngoLwesibili ntambama ukuzoqala umsebenzi wakhe naleli qembu ngokusho komthombo.
OLUNYE UDABA: ElePSL lithi alinayo ingcindezi yokusayina owodumo lweChiefs
"Ufike emahoreni ambalwa adlule kanti usakhonjiswa izindawo ezahlukene kulona leli qembu.
Uzokhonjiswa endlini yeqembu nalapho liqeqeshela khona, kanti kulindeleke ukuthi aqale ukulolonga iqembu kusasa (ngoLwesithathu)," kusho umthombo.
UMiddendorp ungomunye wabaqeqeshi abadume ngokuxoshwa emaqenjini ePSL njengoba eseke wakhonjwa indlela emqenjini okubalwa kuwo iKaizer Chiefs, Bloemfontein Celtic, Maritzburg United neChippa United.
- “Like” ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter