Emdlalweni wangoLwesibili lapho leli qembu liguqiswe yiMaritzburg United ngo 3-0, uMolangoane ukhishwe ngohlaka enkundleni kusadlalwe imizuzu engu-20.
UPapic ubenamathemba amakhulu ngalo mdlali, 26, owakhiqiswa yi-Orlando Pirates Academy wase edlalela iPlatinum Stars njengoba ebebolekiswe kuMaZulu.
Yize ukushaywa kweChippa yiMaritzburg kungokwesithathu, uPapic uthe ukulimala kukaMolangoane yiyona nto ebalimaze kakhulu.
"UMolangoane ubetshengisa okukhulu ukuzimisela. Nami bengithembe ukugadla ngaye ukuze senze okuhlukile ku-PSL,” kusho uPapic.
Uthe yize sebehlulwe imidlalo emithathiu njengoba kuqale isizini, iChippa idlala ibhola eliyingcwenya.
Leli qembu libuyele kuPremiership kulandela ukudliwa yizembe ngesizini eyedlule.
- “Like” ikhasi lethu kuFacebook ukuze uthole izindaba ngolimi lwakho