Cape Town - Umdlali weBidvest Wits, uThulani Hlatshwayo, ukholelwa ukuthi iqembu lakhe lingakwazi ukudumaza i-Orlando Pirates, liphendule amatafula koweMTN8 ozoba namhlanje ngoMgqibelo ebusuku.
“Sidinga ukuthola amagoli ngokushesha siqinisekise ukuthi awekho angena ngasekhaya,” kusho uHlatshwayo ku-KickOff.com.
“Sekwake kwenzeka phambilini lokhu. Amagoli amabili awawona umqansa kakhulu, ikakhulukazi uma singakwazi ukushaya igoli zisuka nje,” usho kanje.
“Uma singavumela ukuba singenelwe yigoli , lokho kuzosithwalisa kanzima,” kuqhuba lo mdlali.
Lo mdlali ukhuthazwa wukuthi iPirates iyehluleka ukushaya amagoli muva nje.
“Singakwazi ukuphendula amatafula ngoba vele amagoli abawathola sidlala nabo emlenzeniwokuqala, abawasebenzelanga, kwaba amaphutha ethu,” kusho uThulani.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.