“Sekuyisikhathi sokuqoqa amaphuzu amathathu kuze kuphele isizini. Yonke imidlalo elandelayo izoba yinselelo. Kuzomele sidlule kuyo yonke imidlalo futhi sigxile kweye-Absa Premiership, Nedbank Cup nakweye-CAF Confed ezayo”, kusho uBaxter, kubika iSiya crew.
“Kumele sihlale sikulungele ukudlala ngaso sonke isikhathi futhi senze kahle."
UBaxter uphinde wakhuluma nangokulimala kwabadlali bakhe ngaphambi komdlalo wabo nePolokwane City kowe-PSL ongoLwesithathu ebusuku.
“Njengoba imidlalo isondelene, akulula ukugwema ukulimala. UMoleko nakanjani ngeke adlale kulo mdlalo. Sizoqhubeka nokuhlola uMusona nabanye abadlali. Kuzomele sikulungele ukuwina," kuqhuba umqeqeshi.
“Iqembu iPolokwane City lidlala kahle kakhulu ikakhulukazi njengoba lilwela ukuvika izembe," kuphothula uBaxter.
La maqembu amabili azogadulisana ePeter Mokaba Stadium emdlalweni ozoqala ngo-19:30.
- “Like” ikhasi lethu kuFacebook ukuze uthole izindaba ngolimi lwakho