Cape Town - Umqeqeshi we-Orlando Pirates uVladimir Vermezovic uthi iqembu lakhe lizogadla ngazo zonke uma selibhekene neKaizer Chiefs koweMTN8 ngoMgqibelo.
AmaBhakabhaka, azobe edlala emdlalweni wesihlanu wamanqanu
kulandelana, azobhekana nabafana basePhefeni eMoses Mabhida Stadium eThwkini
kanti lo mqeqeshi waseSerbia uthi iqembu lakhe ngeke lidembesele nakancane kulo
mdlalo.
Funda olunye udaba: IPirates izilungiselela owamanqamu.
“Kwesinye isikhathi siyawina, kwesinye siyahlulwa noma sidlale
ngokulingana kodwa ezikaMagebhula ziyiqembu elikhulu futhi elihlale lifuna
ukunqoba,” kusho uVermezovic.
IPirates, emidlalweni yonke esayidlalile kule sizini, ikwazile ukushaya amagoli kanjalo neChiefs, awukho umdlalo ophele ingalifakanga igoli, kubike iKickOff.com.
IBucs isifake amagoli angu-18 kuyona yonke imidlalo yeligi
neyeMTN8 kanti izimbangi zayo zona zisashaye angu-19 emidlalweni elinganayo.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.