isiZulu

Sizothi ukuqinisa isikwati - Baxter

2012-12-20 14:43
Johannesburg - Umqeqeshi weKaizer Chiefs uStuart Baxter useveze ukuthi leli qembu laseSoweto lizimisele ngokuqinisa iqembu uma sekuvulwe iwindi lokuthengwa nokudayiswa kwabadlali onyakeni omusha.

"Ngibheke ukuthenga kanti futhi ngizobe ngigade nemidlalo ye-Afcon," kusho uBaxter.

"Ngiyathemba ukuthi ngeke sibe khona isidingo sokuthi sithenge kakhulu, kodwa sidinga ukuqnisa amabhawodi esikwati kancane."

UBaxter uthe uzobe ekulinde ngamehlo abomvu ukubuya kwabadlali abanohlonze ku-Africa Cup of Nations (Afcon) ngoJanuwari, njengoba ukulimala kwabadlali bakhe kungase kuphazamise igiya amaKhosi ahamba ngalo kuPremiership.

"Uma kwenzeka siba nebhadi lokulimala kwabadlali ku-Afcon, lokho kungase kusiphindisele emuva," kusho uBaxter, kulandela ukuthi ezakhe ziguqise aMaZulu ngo 2-0 ngoLwesibili ebusuku.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


SAPA

Ezinye izindaba e- Ezemidlalo

«Emuva