Johannesburg - Isikhwishikhwishi somdlali we-Orlando Pirates, u-Oupa Manyisa, usecele ozakwabo ukuba bazihlele kahle njengoba kuza umdlalo obhekwe ngabomvu weCarling Black Label Cup.
Lo mdlali, 25, uphinde waba nesizini enhle ngesizini eyedlule njengoba ehambe esindwa emcimbini wokuklonyeliswa kwabadlali abenze kahle kweZimnyama ngoLwesithathu ebusuku, kubika iSiya crew.
U-“Ace” nokuyigama adume ngalo kwezikanobhutshuzwayo, uthe isikwati esivotelwe ngabalandeli sizokwenza konke okusemandleni ukungabajabhisi.
“Ngicabanga ukuthi isikwati siqinile. Abalandeli bayidlalile indima yabo, ngakho nathi kumele senze okusihlalele," kusho lo mdlali ngaphambi komdlalo wabo neKaizer Chiefs.
EziMagebhula zifuna ukuthatha lesi sicoco okwesithathu, kanti uManyisa usezwakalise ukuthi bazobe behlasela befuna ukudiliza udonga lweChiefs.
“Kumele sizihlele kahle, singaxhamazeli. Munye kuphela oyolala ehleka, ngakho kumele sidlale ngokuzikhandla."
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter