Johannesburg - Umqeqeshi we-Orlando Pirates uVladimir Vermezovic uthi uhlabeke umxhwele ngendlela adlale ngayo umdlali wabo omusha u-Issa Sarr koweCarling Black Label Cup ezakhe zibhekene neKaizer Chiefs ngoMgqibelo.
Lo mdlali odabuka eSenegal ungene ngesiwombe sesibili eshintshana noTlou
Segolela, wadlala ibhola eliyingcwenga esiswini samaBhakabhaka.
USarr usayine naleli qembu esuka kuPlatinum Stars, kubika iKickOff.com.
“Udlale ngokukhulu ukuzimisela u-Issa Sarr. Usebenza ngokuzikhandla, enjalo nje akanawo umona. Siphinde sanikeza noMaselaelo Seanego ithuba, kepha ubumbona ukuthi usadidekile.
"Yize kunjalo, banekusasa eliqhakazile. Bonke abadlali abadlale ngesikhathi sibhekene naMakhosi badlale kahle, ngenelisekile."
Khonamanjalo, uVermezovic uthe isinqumo ngomdlali waseDR
Congo uNgoyi Eddy Enomo noBodrick Ungenda sizokwenziwa kuleli sonto.
Laba kuthiwa baziqeqesha neqembu ngethemba lokuthola izinkontileka.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter