U-VV uphawula ngolukaMatlaba

Johannesburg - Umqeqeshi we-Orlando Pirates uVladimir Vermezovic usekhulume wathi fahla ekutheni bangase baqondise uThabo Matlaba izigwegwe kulandela isigameko esenzeke ngesikhathi bedlala neMamelodi Sundowns.

Lo mdlali ukhishwe ngekhadi elibomvu umdlalo usuyophela, ezakhe zihamba phambili ngo 3-0 ngesikhathi ehlaba umdlali odabuka eZimbabwe, uKuda Mahachi.

Ngemuva komdlalo , u'VV' uthe ithimba labaqeqeshi lizobuyekeza isenzo sikaMatlaba bese lithatha isinqumo ngokumele kwenziwe, kubika iKickOff.com.

“Bekungumdlalo omnandi sinamathuba amaningi," esho.

“Ngicasukile ngale nto eyenzekile. Bekungamele kube khona umdlali ozihlinzela ezibini ngokuthi athole ikhadi elibomvu umdlalo usuyophela.

"Kuzomele sibhunge ngale ndaba bese siyabona ukuthi sithatha ziphi izinyathelo."

AmaBhakabhaka athole amaphuzu amathathu ngamagoli amahle kaKermit Erasmus noLehlohonolo Majoro.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()