'UBalotelli ubekelwe umbandela wokuziphatha'

Liverpool - Kuthiwa iLiverpool ifake umbandela wokuziphatha kahle kwinkontileka kaMario Balotelli.

UBalotelli kubikwa ukuthi ufike eLiverpool izolo ezohlolwa isimo sempilo kanye nokuzosayina inkontileka yakhe ngemuva kokuba ama-Reds ne-AC Milan bevumelene ngo- £16 million ngalo mdlali.

Kodwa nakuba isivumelwane sesifinyelela ngasekusayinweni, lo mgadli odume ngokuziphatha kudlabha, utshelwe ukuba kumele avume ukusayina ukuthi uzoziphatha kahle kuleli qembu, kubike iGuardian.

Umgomo uzokwenza athole izijeziso ezinzima, esihlanganisa nokuhlawuliswa, uma eqhubeka nokuziphatha kabi.

IGuardian ibhale izigameko zakamuva ezenziwa yilo mdlali ezihlanganisa ukuphazamisa ozakwabo, ukuboshwa kanye nokufika sekudlule isikhathi ngesikhathi iqembu lizilolonga.

Le migomo ibekelwe ukugcina lo mdlali oneminyaka engu-24 ubudala eziphethe kahle njengoba edume kabi futhi neqembu like langena ezinkingeni ngoLuis Suarez.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).