Ngokubika kwe-KickOff uStuart Baxter kumele athateh isinqumo phakathi kwalabo nozinti njengoba u-Itumeleng Khune esalimele.
Nakuba Amakhosi enqobile ngeledlule ngesikhathi edlalise uKhuzwayo emdlalweni wawo namaTUKS kubikwa ukuthi abaqeqeshi abagculisekanga ngendlela lo nozinti adlale ngayo njengoba enze ne-penalty.
OLUNYE UDABA: Zindala zombili - Amakhosi neBhakabhaka
Kuvele ukuthi ukhombisa ukuthuka uma ebhekene nengcindezi nokumenza agcine enza namaphutha angalimaza iqembu.
Ngakolunye uhlangothi uPieterse nakuba emncane kodwa ukhombise okukhulu ukuzimesela ngesikhathi enikwe ithuba ngesizini edlule kanti futhi useke wabhekana naMakhosi lapho kunganalutho epalini lakhe.
“Bobabili labo nozinti bazilungiselele ngokwanele kulo mdlalo, Kumele uma sesithatha isinqumo lowo nozinti esizomqoka akulungele ukudlala,” kusho uBaxter enanela ngokuthi abakasithathi isinqumo ngonozinti ozoba semapalini ngoMgqibelo.
Uvumile ukuthi ukungabibikho kukaKhune kuhlale kunomehluko eqenjini njengoba engagcini nje ngokuba wumholi kodwa udlala indima ebalulekile uma iqembu lihlasela.
- “Like” ikhasi lethu kuFacebook ukuze uthole izindaba ngolimi lwakho