UBaxter uthi uzokwenza izinguquko eqenjini lakhe

Johannesburg - Ngemuva kokudlala ngokulingana emdlalweni we-Absa Premiership neMamelodi Sundowns, ngoMgqibelo ntambama, umqeqeshi weKaizer Chiefs, uStuart Baxter, utshele iSiya crew ukuthi uzokwenza izinguquko uma iqembu lakhe selibhekene nePolokwane City ngoLwesibili, kubika iSoccerLaduma.

Leli qembu eliqhwakele esicongweni seligi liqhubekile ngokungahlulwa emidlalweni yeligi selokhu kuqale isizini ka-2014/15 kulandela ukudlala ngo-1-1 neDowns laqinisa indawo yalo esicongweni.

Uthe abadlali abebehambe neqembu lesizwe, iBafana Bafana, bakhombise ukukhathala ngakho uzobanikeza ikhefu.

Funda nalolu daba: INingizimu Afrika izosingatha eyeCosafa.

Amakhosi azolibhekisa ePeter Mokaba Stadium eyodlala nePolokwane City okuyiqembu eselidlale imidlalo emithathu lingashaywa.

IKaizer Chiefs inabadlali ababuya ekulimaleni, abafana no-Itumeleng Khune, Katlego Mphela kanye noJosta Dladla okungenzeka badlale.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).