Johnnesburg – Umqeqeshi weKaizer Chiefs uStuart Baxter uveze ukuthi umdlali wasemuva kuleli qembu u-Ivan Bukenya ukulungele ukuvala isikhala sikaWillard Katsande osalimele.
UBaxter kuphoqeleke ukuthi asebenzise umdlali wasemuva uBukenya ngemuva kokulimala kuka-Katsande oyinjini yaMakhosi esiswini.
Emidlalweni emibili kudlala uBukenya endaweni kaKatsande wenze ezibukwayo njengoba iChiefs yabua namaphuzu aphelele kwiFree States Stars neMpumalanga Black Aces.
Ephawula kwiwebsite yeChiefs uBaxter uthe:
OLUNYE UDABA: Sazama konke okusemandleni - Bukenya
“Ngemuva kokulimala kukaKatsande sasithukile ngokuthi ubani ozovala isikhala sakhe kodwa uBukenya usephakamise isandla wazibonakalise ukuthi angakwazi ukudlala esiswini njengoba eneze umsebenzi oncomekayo futhi kumele athweswe uphaphe ngokudlala kwakhe,”
kusho lo mqeqeshi ngokubika kweSoccerLaduma.
UKatsande uzothola ikhefu lezi nyanga ezimbili ngemuva kokuba izwe adabuka kulona iZimbabwe lehlulekile ukuya kwi-2015 Afcon e-Equatorial Guinea.
Lokhu kuzomnika isikhathi esanele sokuthi alulame ngokuphelele ngaphambi kokubuyela enkundleni ngonyaka ozayo.
- “Like” ikhasi lethu kuFacebook ukuze uthole izindaba ngolimi lwakho