UJabu Mahlangu usewabeka ethala amakhokho

Johannesburg – Owayesihlabani seBafana  Bafana uJabu Mahlangu sekumenyezelwe ukuthi usethi khumu kulo mdlalo kanobhutshuzwayo. 

Ngokubika kwe-KickOff lezi zindaba ziqinisekiswe nayiqembu abeselidlalela uMahlangu iSuperSport United. 

UMahlangu obedume ngelikaJabu Pule ngezinsuku zakhe esadlala kwiKaizer Chiefs ubebalwa njengabanye babadlali abebe nekusasa eliqhakazile kulo mdlalo kodwa nganxa yokuziphatha kwakhe ngaphandle kwenkundla kugcine kungenzekanga lokho. 

OLUNYE UDABA: Kumele simeseke sonke uJabu - Johnson

Kuzokhumbuleka ukuthi ubengasenalo iqembu ngesikhathi uCavin Johnson obeqeqesha iSuperSport ngesizini edlule embuyisela enkundleni.

Uhlulekile wukubuyisa izinga lo mdlalo abedume ngalo ngaphansi kwalo mqeqeshi njengoba egcina engayidlalanga imidlalo eminingi nakuba bekunconywa ukuba khona kwakhe kuleli qembu.  

Kubikwa ukuthi usazoqhubeka nokuba yingxeny eyaleli qembu njengoba esenikezwe isikhundla sokuba yinxusa leSuperSport. 

Okhulumela leli qembu uDavid Skhosane ukuqinisekisile ukuthi uShuffle usewabeka ethala amakhokho. 

“UJabue ngeke esadlala kwiSuperSport kodwa usazuqhubeka nokuba yingxenye yeqembu,” kusho uSkhosane.

   - “Like” ikhasi lethu kuFacebook ukuze uthole izindaba ngolimi lwakho