Johannesburg - Unozinti weKaizer Chiefs uBrilliant Khuzwayo uthi ukulangazelele ukuvala imilomo yalabo abanokungabaza ngaphambi komqhudelwano iCarling Black Label Cup.
UKhuzwayo uthi labo abangabaza umqeqeshi omusha uSteve Komphela "bazowagwinya amazwi abo" njengoba ekholelwa ekutheni uKomphela uzokwenza umsebenzi oncomekayo, kubika iKickOff.com.
Lo mqeqeshi onesipiliyoni sokulolonga esevile eminyakeni eyishumi, akaze anqobe izindondo ezinkulu kuManning Rangers, Free State Stars, Platinum Stars neMaritzburg United.
OLUNYE UDABA: Singayinqoba i-Afcon - Khuzwayo
Nokho, uKhuzwayo, ozoqala umdlalo wangoMgqibelo bebhekene ne-Orlando Pirates – ukholelwa ekutheni uKomphela uza nezinto ezinkulu eNaturena.
“Abantu abaningi bayathanda ukwahlulela, kuthi uma usunqobe okuthile baqale bamangale.
"Baningi abazophoxeka, bayekeni bakhulume basho abakufunayo," esho.