Cape Town - Umbhukudi wakuleli uChad Le Clos, nokwazile ukuqoqa izindondo ezilingana nerekhodi lika-Ian Thorpe wase-Australia kumaCommonwealth Games, ukhulume ngokugula kwakhe.
ULe Clos uthole izindondo eziyisikhombisa kule midlalo eqhubeka eGlascow.
Ngokusho kombiko weSportsMole, uLe Clos, 22, uke wahlushwa kakhulu yisifuba somoya kanti uthi ubesesimweni "esisabisayo" emasontweni andulela le midlalo.
"Bengisebenzisa izifutho ezintathu ezehlukene, kunzima kakhulu. Ngangingazethembi ngesikhathi ngiya kumaCommonwelath," ezikhulumela.
Yize kunjalo, lesi sihlabani saseThekwini, sikwazile ukuthatha izindondo ezimbili zegolide (100m and 200m butterfly), eyesiliva (4x100m freestyle relay) nezine zethusi (50m butterfly, 200m IM, 4x100m medley relay, 4x200m
freestyle relay).
ULe Clos wagqama eminyakeni emibili kuma-Olympic Games ayeseLondon ngesikhathi ehlula uMicheal Phelps.
- “Like” ikhasi lethu kuFacebook ukuze uthole izindaba ngolimi lwakho