Johannesburg – Isikhulu seMoroka Swallows uLeon Prins usememezele
ngokusemthethweni ukuthi nguFani Madida ozobamba izintambo kuleli qembu kuze
kuba kuqashwa umqeqeshi ngokugcwele.
Leli qembu libhekane nobunzima ngemuva
kokwesula komqeqeshi uZeca Marques ngoMsombuluko ngokusho kwe-KickOff.
Kubikwa ukuthi uMarques ukhale
ngokungagculiseki ngemuva kwemiphumela engemuhle leli qembu ebiyithola
emidlalweni ye-PSL.
IZinyoni zizobhekana neKaizer Chiefs eqhwakele esicongweni
zixhuga ngemuva kokulahlekelwa umqeqeshi.
OLUNYE UDABA: Umataniswa nesokukuqeqesha iZinyoni u-Ertugral
UPrins usekhombise ukumethemba
uMadida kulesi sikhundla.
“Ungumqeqeshi osezingeni. Usebe kulo mdlalo isikhathi
eside futhi ngiyathemba ukuthi uzokwenza umsebenzi omuhle,” esho.
“Okwamanje ungumqeqeshi obambe okwesikhashana
futhi nguyena ozobe ephethe izintambo emdlalweni weqembu naMakhosi
ngoLwesithathu,” enanela.
Maningi amagama abaqeqeshi asebevelile okubikwa
ukuthi bangase bathathe izintambo phakathi kwabo kubalwa uMushin Ertugral
nabanye.
- “Like” ikhasi lethu kuFacebook ukuze uthole izindaba ngolimi lwakho