Publications
Partners
Johannesburg - Umqeqeshi weBafana Bafana u-Ephraim Mashaba nonozinti u-Itumeleng Khune sebezwakalise ukuthi bayibheke ngabomvu imidlalo yesihle abazoyidlala neCosta Rica neHonduras.
IBafana izozwana amandla neCosta Rica e-Estadio Nacional de Costa Rica ngomhlaka-9 Okthoba.
Izobe isidlala neHonduras ngomhlaka-14, kubika iKickOff.com.
Yomibili le midlalo izokhonjiswa ku-SABC, ngokusho kwe-SAFA.
"Siwulangazelele lo mdlalo kanti sesizwile ngandlebenye ukuthi iCosta Rica ibophele iziqongqwane zayo esikwatini esizobhekana naso.
OLUNYE UDABA: Inkakha yeBafana igxeke uShakes Mashaba
“Ngijabule kakhulu ngoba abafana bami bazimisele ukubhekana nalezi zinkunzi,” kusho uMashaba ngesikhathi iqembu litheleka eSan Joe, eCosta Rica.
“Wonke umuntu uthokozile ukuba lapha kanti imidlalo esiyidlala namazwe afana noCosta Rica asho lukhulu kubadlali.
“Sizimisele ngokuzibonakalisa kuleli qembu elinohlonze kangaka,” kunanela uKhune.
Abadlali abathathu be-Orlando Pirates oThabo Matlaba, Mpho Makola noThamsanqa Gabuza bangase baphuthwe umdlalo wokuqala ngoba bazohlangana neqembu ngoLwesine.
