Cape Town - Lowo obengukaputeni weKaizer Chiefs uTefu Mashamaite uzilolonga nezihlabani ezifana noFrank Lampard noDavid Villa eNew York City FC, ngethemba lokuthola inkontileka naleli qembu.
Izithombe ezivele ezinkundleni zokuxhumana ziqinisekise amahlebezi athi uMashamaite, 30, uzama ukuhlaba umxhwele izikhulu zeqembu kulezi zinsuku eziyishumi azozihlala nalo.
OLUNYE UDABA: UMashamaite uphe uMathoho umklomelo wakhe
Kulandela ukukhululwa kwakhe yiChiefs, kubikwe ukuthi uMashamaite uzimisele ngokuqhubeka nebhola eMelika kanti futhi uzimisele ukuqhubeka nezifundo zakhe.
Ngesizini eyedlule, uMashamaite wasiza aMakhosi ukuba anqobe iligi ne-MTN8 naye waphinde waklonyeliswa ngezindondo ezimbalwa ekupheleni kwesizini ka-2014/15.
Lo mdlali wahamba ne-2014/15 Footballer of the Season, Absa Premiership Player’s Player of the Season ne-Absa Premiership Defender of the Season.