UMasilela uthi akumhluphi ukungabizelwa kuBafana

Johannesburg - Umdlali weKaizer Chiefs uTsepo Masilela uthi uyakuthokozela ukudlalela iqembu lakhe kangangoba akayinakile kangako eyokushiywa ngaphandle esikwatini seBafana Bafana.

Lo mdlali, osanda kunqoba indebe ye-MTN8 neChiefs esizinini yesithathu ayihleli naMakhosi, udlala ibhola eliyingcwenga ngaphansi kwesandla sikaStuart Baxter.

“Ngisathokozela ukudlalela iChiefs futhi ngizimisele ngokuphakamisa ezinye izindebe nginaleli qembu.

OLUNYE UDABA: Angase abuyele ekhaya uMasilela

"Akungikhathazi nakancane ukungaqokelwa esikwatini seBafana ngenxa yokuthi uShakes Mashaba uyazazi izinhlelo anazo ngeqembu lesizwe,” kusho lo mdlali etshela iKickOff.com.

“Ngiyazi ukuthi ukholelwa kakhulu ebadlalini abasebancane ngoba elungiselela ikusasa leqembu. Mina nabadlali abafana noReneilwe Letsholonyane ngicabanga ukuthi siyidlalile indima yethu kuBafana.”

Ebuzwa ukuthi usazoyidlalela yini iBafana uphendule wathi: “Kungenzeka. Uma ngisefomini enhle ngingathanda ukumela izwe.”

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter