Johannesburg - Umdlali wasemuva weKaizer Chiefs, uMulomowandau Mathoho, usebonge uTefu Mashamaite ngomusa abenawo emcimbini weqembu wokuklonyeliswa kwabadlali.
UMashamaite umangaze abaningi ngesikhathi umklomelo wakhe weChiefs’ Player of the Season - ohambisana nemali engu-R100 000 – ewupha uMathoho.
UMathoho, ukubikwa ukuthi ufunwa amaqembu aphesheya kwezilwandle, e-Europe, ubengekho yena kulo mcimbi njengoba ebesanda kuhlinzwa, ngokusho kwe-webiste yeqembu.
Funda nalolu daba: UMashamaite uphe uMathoho umklomelo wakhe
IChiefs ithi lo mdlali wasemuva udlulise ukubonga kwakhe ngoLwesine ekuseni, kubika iKickOff.com.
“Ekuseni ngoLwesine, uMathoho ufonele uMashamaite embonga ngomusa abenawo.”
"Siphuma endaweni eyodwa,” kusho uMashamaite, njengoba bobabili bedabuka eLimpopo.
“Siyezwana kakhulu, hhayi nje kuphela enkundleni, kodwa nakwezinye izindawo. UTower ungumuntu othobekile. Ngibone kunesidingo sokuba ngabelane naye lo mklomelo, njengoba senze okuningi ndawonye kule sizini."
– "Like" ikhasi lethu ku-Facebook uze ukwazi ukujoyina inkulumo ngolimi lwakho.