Buenos Aires – Isihlabani sebhola likanobhutshuzwayo esidume umhlaba wonke uLionel Messi kubikwa ukuthi unqabe umklomelo wokuba umdlali ovelele emqhudelwaneni weCopa America.
Ngokubika kweSoccerLaduma lo mdlali oneminyaka engu-28 odlalelwa i-FC Barcelona ne-Argentina kusolwa ukuthi ubedumele kakhulu ngemuva kokuba izwe lakhe lihlulwe kowamanqamu yiChile kulo mqhudelwano.
Ngokubika kwabezindaba base-Argentina lo mdlali akafunanga ukuyolanda umklomela wakhe wePlayer of the Tournament.
OLUNYE UDABA: Kubhekwe uMasuku noBacela kwi-Arrows
Kulo mqhudelwano uMessi uhlabane nemiklomelo yeMan of the Match emidlalweni emine kwengu-6 ayidlalile njengoba eshaye igoli elilodwa waphinde wakha amagoli amathathu.
Emdlalweni wamanqamu uMessi uyena kuphela kubadlali be-Argentina owazile ukubhakuzisa inethi sekukhahlelwa amaphenathi njengoba ozakwabo uGonzalo Higuain no-Ezequiel Lavezzi bobabili behlulekile ukushaya amaphenathi.
Ngonyaka owedlule uMessi nabahleli bomqhudelwwnao we2014 we-FIFA World Cup bathola ukugxekwa ngemuva kokuba lo mdlali eklonyeliswe ngePlayer of the Tournament .
- “Like” ikhasi lethu kuFacebook ukuze uthole izindaba ngolimi lwakho