Johannesburg – Umgadli weKaizer Chiefs uKingston Nkhatha ubonge ozakwabo ngemuva kokuhlabana nomklomelo wokuba ngumdlali ovelele emdlalweni weligi weqembu lakhe neFree State Stars.
Kulo mdlalo obusePeter Mokaba ngoLwesibili Amakhosi anqobe ngamagoli amabili kwelilodwa ngemuva kokuba uNkhatha eqobele elokuqala kwabe sekulandela elikaSiyabonga Nkosi kanti ele-Ea Lla Koto laqhamuka lafakwa ngu-Eric Mathoho ogwaze ekhaya.
Ngokubika kweKickOff kuzokhumbuleka ukuthi uNkhatha akabanga nomdlalo omuhle ngesikhathi ezakhe zibhekene neChippa United ngoMgqibelo njengoba abalandeli babemhebeza ngemuva kokushweba amathuba.
Nakuba kunjalo umqeqeshi waleli qembu uStuart Baxter wakhombisa ukumeseka lo mdlali wagxeka abalandeli ngesenzo sabo.
OLUNYE UDABA: Angishwebi ngamabomu - Nkhatha
Kulo mdlalo uNkhatha ukhombise ukuba yintandokazi njengoba alandeli abebehambele lo mdlalo bekhombise ukumeseka futhi wadlala nebhola elinenkosi phakathi nokumenze wahlabana nomklomelo wokuba ngumdlali ovelele nakuba engawuqedanga umdlalo.
Ezibongela uthe: “Besidlala njengeqembu, sihlezi sikhuthazana ukuthi siqhubekele phambili noma ngabe abantu bathini.
Lo mklomelo ngowethu sonke,” esho ngmuva kwalo mdlalo.
“Akukho ngami kuphela kodwa konke sikwenza njengeqembu sihlangeni nasejimini senza okufanayo siyasizana,” esho.
- “Like” ikhasi lethu kuFacebook ukuze uthole izindaba ngolimi lwakho