UPitso akakufihli namanje ukuthi ufuna owadedelwa yiChiefs

Cape Town – Umqeqeshi weMamelodi Sundowns uPitso Mosimane akaze ukufihle ukuthi ufuna owayengumdlali weKaizer Chiefs, uTefu Mashamaite, eze eChloorkop. 

UMosimane utshele iSport24 ukuthi uyazi ukuthi uMashamaite uyisiqongqwane sasemuva ezingakwazi ukuvala isikhala sika-Alje Schut kodwa akazi noma bangamthola yini.

"Uyatholakala uTefu?” kubuza uMosimane.

"UJazzman akaze asitshele ukuthi akanalo iqembu. Uma engasitshela ukuthi akanalo iqembu singayicabanga indaba yakhe.”

Funda nalolu daba: IChiefs ngeke ikuphinde okwangedlule - Umqeqeshi

"Akungatshazwa ukuthi ungumdlali wasemuva osezingeni, uzolisiza kakhulu iqembu kodwa akukho okutheni esingakusho okwamanje ngoba asazi ukuthi uyatholakala yini noma cha.”

"Uma etholakala futhi sazisiwe ngalokho, sizomshela.”

UTefu Mashamaite namanje akanalo iqembu kulandela ukuphelelwa yinkontileka kuKaizer Chiefs ngoJulayi 1.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).