Johannesburg – Inkakha yebhola likanobhutshuzwayo yakuleli uLucas Radebe
uveze ukuthi ujabule kakhulu ngoqokwa ukuba sohlwini lwabadlali abangu-100
abahamba phambili asebake badlala kwiPremiership yaseNgilandi.
URadebe
owayedume ngelikaRhoo ngesikhathi esalihlikihla uphinde wabonga neNingizimu
Afrika ngokumeseka ngesikhathi esadlala lo mdlalo onedumela emhlabeni jikelele.
URhoo owayengukaputeni waBafana Bafana wadlala imidlalo engaphezulu kuka-200
kwiLeeds United.
Ngokubika kwe-SocerLaduma le nkakha esineminyaka engu-45 ubudala yaphinde yaba
ngukaputeni wayo iLeeds kanti ngaphambi kokuya phesheya wayegijima kwiKaizer
Chiefs kusukela ngo-1989 kuya ku-1994.
OLUNYE UDABA:Ngifuna ukuba nguMengameli weSafa - Rhoo
Wachitha iminyaka engaphezulu kweyishumi
eNgilandi nokuyilapho azakhela khona igama ngokuba yisiqongwane sasemuva.
“Ukuvotelwa ukuthi ngibe sohlwini lwabadlali
abangu-100 kwi-premiership kuyinto enkulu kakhulu kimina.
Okwakuhamba phambili
kumina kwakuwukumela izwe lami nokuphakamisa igama laseNingizimu Afrika.
Ngangihlezi ngizimisele ukwenza kangcono ngasosonke isikhathi,” kusho lo mdlali
enanela ngokuthi wayenza into ayithandayo ngaphandle kokucabanga imali.
Uthe ukwesekwa ngabantu abahlukene yikona
okwakumgqugquzela ukuthi aqhubeke phambili.
- “Like”
ikhasi lethu kuFacebook ukuze uthole izindaba ngolimi lwakho