London - Ukapteni weLiverpool, uSteven Gerrard, usedalule ukuthi wancenga uLuis Suarez ukuba abangayi ku-Arsenal ngonyaka odlule, kubike iSoccerladuma ngoLwesine.
Ngonyaka odlule kwakunemibiko eyayithi uSuarez angase ayodlalela i-Arsenal ukuze afezekise iphupho lakhe lokudlala ku-UEFA Champions League, kodwa wakhetha ukungahambi, wasiza amaReds ukuba akwazi ukuthola indawo kulo mqhudelwano.
"Unkosikazi kaSuarez ungowaseBarcelona futhi angiboni ukuthi ungamgxeka umdlali onjengoSuarez ukuba afezekise iphupho lakhe, usesebenze kanzima ukufika lapha,” kusho uGerrard etshela iDaily Telegraph.
"Ngeke umgxeke ngokuya kuBarcelona FC. Kusukela ngelanga lokuqala efika lana wathi iphupho lakhe ukudlalela iReal Madrid noma iBarcelona.
“Ngesizini edlule ngesikhathi ezilolonga yedwa, ngamtshela ukuthi angayi ku-Arsenal.
"Ngamtshela ukuthi usezingeni eliphezulu kakhulu ukuba angadlala ku-Arsenal.”
– "Like" ikhasi lethu ku-Facebook uze ukwazi ukujoyina inkulumo ngolimi lwakho.