UTinkler ujabule ngoMajoro no-Erasmus

Johannesburg – Umqeqeshi we-Orlando Pirates u-Eric Tinkler uthe ujabule ngokudlala ndawonye kwabagadli bakhe uLehlohonolo Majoro noKermit Erasmus ngesikhathi ezakhe zihlula iBloemfontein Celtic e-Orlando Stadium.

Kulo mdlalo obungoMgqibelo AmaBhakabhaka anqobe ngamagoli amabili kwelilodwa. Kulo mdlalo bobabili laba bagadli babhakuzise inethi nokwenze iBucs yaphetha lo nyaka ishaya phezulu.

“Ngibone sengathi uKermit noMajoro basebenze kanzima kakhulu kulo mdlalo futhi kube mnandi ukubabona beshaya amagoli,” kusho uTinkler ngemuva kwalo mdlalo ngokubika kweKickOff.

OLUNYE UDABA: UTinkler unxusa abalandeli babekezele

“Bahlangane kahle kulo mdlalo besizana ngezindlela ezahlukene phambili nokuyinto engijabulise kakhulu,” esho. 

Kuzokhumbuleka ukuthi bese kunesikhathi ongoti nabalandeli bebhola benxusa ukuthi laba bagadli badlaliswe ndawonye kodwa kungenzeki ngoba kuthi badlala isitayela esifanayo.

Emidlalweni emibili laba badlali beqaliswe ndawonye iBucs ibuye namaphuzu.

    - “Like” ikhasi lethu kuFacebook ukuze uthole izindaba ngolimi lwakho

      - Landela IzindabaNews24 kuTwitter