Johannesburg - Ukhuze ibuya umqeqeshi wePolokwane City uKosta Papic owanyamalala ngemuva kokukhishwa kweqembu lakhe yiSuperSport United kwiTelkom Knockout.
ISiya Crew ibike ngeledlule ukuthi lo mqeqeshi odabuka eSerbia ikusasa lakhe lisengcupheni naleli qembu ngemuva kokungaboni ngasolinye nabaphathi balo.
Ngemuva kwalo mdlalo kwavela nemibiko yokuthi izinsuku zakhe zibaliwe.
OLUNYE UDABA: Ngalimosha ithuba lami kwiChiefs - OweBucs
Ezakamuva kuvela ukuthi uPapic usebuyile ukuzoqeqesha iqembu ngemuva kwezinsuku engaliqeqeshi leli qembu.
Inkundla yokuxhumana iTwitter yeCity iyichithile imibiko yokuthi lo mqeqeshi angase akhonjwe indlela.
"Umqeqeshi ulolonga iqembu..... Ningakholwa noma yini eniyifundayo.
Lawa ngamahlebezi angathi shu!" kubhala le nkundla yaleli qembu.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter