Johannesburg - Umgadli weMamelodi Sundowns, u-Edward Manqele, usejoyine iChippa United ngemuva kokubolikiswa kuleli qembu isizini yonke.
Phambilini iSiya crew ibike ukuthi lo mdlali usethathe isinqumo sokungayimangaleli iSundowns kwi-PSL DRC njengokuba imenenja yakhe ibihlelile.
ISundowns ngoJulayi yamemezela ukuthi uManqele uzobolekiswa kwiChippa kanye noThamsanqa Sangweni.
Kodwa ngokuhamba kwesikhathi imenenja kaManqele, uJosiah Mphono, yadalula ukuthi lo mdlali akasayi kuChippa, kulandela ukuba kungavunyelwananga ngemigomo yokubolekiswa kwakhe.
“Besikhathazekile ngemibandela yesivumelwane kodwa manje sesifinyelele esivumelwaneni kanti futhi leyo mibandela nemigomo ebingasigculisi isisusiwe, zombili izinhlangothi zijabule, usho kanje.
Uqhube wathi uma umdlali
esesimeni esifanele ukudlala futhi nomqeqeshi ezimisele ngokumdlalisa uma
iChippa isibhekene neSundowns, lo mdlali uzokwazi ukudlala ngoba ayikho imigomo
emvimbayo.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
– Landela
IzindabaNews24 kuTwitter (@IzindabaNews24).