Johannesburg - Umdlali weBafana Bafana ubhakuzise inethi emdlalweni wakhe wokuqala neqembu elisha phesheya kwezilwandle eDenmark, ngokusho kombiko.
Ngokubika kweSoccerLaduma uMandla Masango wodumo lweKaizer Chiefs ubhakuzise inethi emdlalweni woqala neqembu lakhe elisha iRanders njengoba linqobe ngamagoli amabili eqandeni lihlula i-Aab.
La maqembu abebhekene emdlalweni weDanish Superliga ngeSonto kusihlwa.
OLUNYE UDABA: Usegumbini labagula kakhulu umdlali we-Ajax - Umbiko
UMasango uqale lo mdlalo ebhentshini njengoba engene ngemuva kwemizuzu engu-33 uqalile lo mdlalo.
Ngomzuzu ka-41 uthole ikhadi eliphuzi kanti ngomzuzu ka-82 ushaye igoli lokuqinisekisa ukuthi ezakhe ziyawunqoba lo mdlalo.
Ukunqoba kweqembu likaMasango kuholele ekutheni linyukele kunombolo 3 kwiDanish Superliga.
UMasango washiya Amakhosi ngemuva kokungavumelani ngenkontileka entsha naleli qembu elibe ngoshampeni beligi ngesizini edlule.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter