Johannesburg – Uhlalele ethembeni ukuthi asazoguquka amatafula ukaputeni weMoroka Swallows uLefa Tsutsulupa njengoba iqembu lakhe lingenzi kahle kulezi zinsuku kwi-Absa Premiership.
IZinyoni zilele unombolo 13 kwilog kanti uTsutsulupa useveze ukuthi kusenesikhathi sokuthi basengawaguqula amatafula.
Leli qembu kulindeleke ukuthi libhekane nePretoria United ngoMgqibelo kanti liya kulo mdlalo ngemuva kwesibhaxu elasithola ngekwiSuperSport United.
OLUNYE UDABA: UMadida ozobamba izintambo okwesikhashana - Prins
“Isimo esibhekene naso asisihle neze kodwa akukavalawa amehlo sisengakwazi ukuqoqa amaphuzu sibuyele esimeni esithembisayo ngaphambi kokuthi kushaye ikhefu likaKhisimusi,” kusho uTsutsulupa etshela i-Soccer Laduma.
“Uma ubheka ukuthi ukuthi iqembu elingunombolo 2 lisishiya ngamagoli ayisikhombisa nje kuphela,” esho.
“Kuzomele sibuye ngamandla ngemuva kwekhefu likaKhisimusi uma sifuna ukuzibona siqeda le sizini ngegiya eliphezulu,” kusho lo mdlali.
- “Like” ikhasi lethu kuFacebook ukuze uthole izindaba ngolimi lwakho