Johannesburg - Lowo owayengumqeqeshi weKaizer Chiefs, uStuart Baxter, uselifulathele elaseNingizimu Afrika, nokuyinto eqeda amahlebezi okuthi ubekuleli ezothatha umsebenzi omusha.
UBaxter watshela iSoccerLaduma ukuthi kade ahlela ukubuyela kuleli ezolungisa izinto ezithile aphinde abone nabangani bakhe.
Nakuba asho kanjalo, ngesikhathi efika kuleli kwasabalala amahlebezi okuthi uzothatha esokukuqeqesha kwelinye lamaqembu akuPSL, nokuyinto ayichitha ngokushesha.
Funda nalolu daba: Ngalimosha ithuba lami kwiChiefs - OweBucs
Lo mqeqehsi wayemataniswa nomsebenzi wokuqeqesha iSuperSport United njengoba izinto zingamhambeli kahle kuleli qembu uGordon Igesund.
Manje njengoba uBaxter esebuyele e-Europe, amahlebezi okubuyela kuleli asezothi ukushabalala kancane.
Kodwa noma kunjalo, uma engakabinalo iqembu igama lakhe liyohlale livela, kubika iSoccerLaduma.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.