23 Jul 2014

Umbiko uthi uMatlaba akajabule kuPirates

Johannesburg - Umdlali wasemuva ku-Orlando Pirates uThabo Matlaba nalowo ommele u-Abbie Rasimphi bakwenze kwacaca ukuthi lo mdlali akazimisele ngokukhuluma ngekusasa lakhe kulezi zinyanga ezingu-11 ezizayo, lokhu kubala ngisho nabaphathi bakhe eParktown.

UMatlaba, nosonyakeni wakhe wokugcina wenkontileka yakhe namaBhakabhaka, kunamahlebemzi okuthi angase abashiye labo shampeni beNedbank Cup ka-2014.

Lo mdlali ubeyamaniswa nezimbangi zePirates, iKaizer Chiefs neMamelodi Sundowns ngesikhathi sokugcogcoma, yize Amakhosi esayinise uLevy Mokgothu oqhamuka kuMoroka Swallows kanti amaBrazilians asazokwenza isinqumo ngekusasa likaPunch Masenamela.

URasimphi utshele iSiya crew ukuthi kumcasule kakhulu ukubona umbiko welinye lamaphephandaba uthi lo mdlali uzibophezele ekuqhubekeni nokudlalela iPirates.

"Inkontileka kaMatlabane Pirates iphela ngo-2015. Abakhuluma okuphambene nalokho angazi bakuthathelaphi ababika ngakho. Basenga ezimithiyo. UMatlaba ngeke akhulume ngezinhlelo zekusasa lakhe okwamanje," kusho uRasimphi.

Ikusasa likaMatlaba kuPirates lavusa imvunge kulandela ukuthi umqeqeshi ahlalisa lo mdlali ebhentshini iqembu lidlala neChiefs ngoMashi.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()