Johannesburg - Iqembu i-Orlando Pirates seliveze ukuthi kuzokuba nezithuthi zomphakathi zamahhala, ezizothatha abantu ezindaweni ezahlukene bayiswe mngcwabeni kanozinti weBafana bafana neBhakabhaka, uSenzo Meyiwa, kusho abeSoccerLaduma.
Iqembu lithe lizokhipha izitimela, libambisene nabakwaPassenger Rail Agency of South Africa (PRASA) kanjalo beSouth African Football Association (SAFA).
I-PRASA ikhiphe amabhasi angu-10 nezitimela ezimbili kwathi iSAFA yakhipha amabhasi amathathu.
Zonke izithuthi zizosuka eGauteng, ngoLwesihlanu khona namhlanje, ngo-19:00, zibhekise amabombo eThekwini.
Funda nalolu daba: Uzongcwatshwa ngokwezinga likahulumeni uMeyiwa
- Amabhasi amabili azosukela e-Orlando Stadium
- Amabili asukele eGhandi Square, phakathi eGoli.
- Amabili azosukela ePitoli, ekhoneni likaJacob Mare noPrinsloo Streets
- Eyodwa izosukela kwa-KFC eBrakpan, eKurhuleni
- Eodwa izosukela eSebokeng Culture Club, ngasePosini.
- Eyodwa izosukela eZads Taxi Rank, eSangweni
- Eyodwa izosukela eBara Square, ngaphambi kwaseSt. Johns naseBaragwaneth Hospital.
KwaZulu-Natal, abagibeli bangathatha isitimela kuzona zonke iziteshi, baye emngcwabeni ozosukela eMoses Mabhida.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.