Uqalile ukujima uMusona

Johannesburg - Umgadli weKaizer Chiefs odabuka eZimbabwe, uKnowledge Musona, uzoqhubeka nokujima namhlanje ngoLwesine, ngemuva kokuthi ebonakale engemuhle kahle emdlalweni wasebusuku ngoLwesithathu, iqembu eliwudlale nePolokwane City.

Lokhu kuvele embikweni wezindaba zeLaduma.

UMusona uphuthwe yimidlalo emine kwaze kwaba ubonakala kowangoLwesithathu.

Umqeqeshi uStuart Baxter ufake lo mdlali ngasemaphethelweni omdlalo, iqembu livele selihamba phambili ngamabili eqandeni.

UMusona, 23, ubukeke engakhululekile, nokho abezindaba bathi uyaqhubeka nokujima neqembu njengoba lilungiselela imidlalo ye-CAF Confederation Cup, elizowudlala ne-ASEC Mimosas.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).