London – Umgadli weManchester United uJavier Hernandez usebolekiswe ngokusemthethweni kwizinkakha zase-Europe iReal Madrid isikhathi esingangesizini eyodwa.
Ngokubika kwe-KickOff lo mgadli oneminyaka engu-26 ubudala obese kunesikhathi engalinuki ijezi kwiManchester umenyezelwe ngokusemthethweni kwiMadrid ngoMsombuluko.
“IReal Madrid neManchester United sebefike esivumelwaneni sokubolekisana ngomdlali uChicharito Hernandez, isizini eyodwa,” kusho isitatimende kwi-website yeMadrid.
Isitatimende siqhuba sithi iMadrid isethubeni lokuthi imthenge lo mgadli odabuka eMexico uma imdinga ngokuphelele.
UHernandez ushaye amagoli angu-59 emdlalweni engu-154 kusukela ejoyine amaRed Devils ngo-2010.
- “Like” ikhasi lethu kuFacebook ukuze uthole izindaba ngolimi lwakho