Usesayine eqenjini iBidvest Wits uFernandez

Johannesburg - URowen Fernandez usesayine inkontileka yeminyaka emibili eqenjini iBidvest Wits, ngemuva kokuyozama inhlanhla kuleli qembu, kubike iSoccerladuma ngoLwesithathu.

Njengoba bekubikiwe ngoLwesibili, lo nozinti ubezilolonga neqembu likaGavin Hunt, ngemuva kokushiya iSuperSport United kulandela ukungalitholi ijezi ngaphansi kukaCavin Johnson, njengoba besekudlala kakhulu uRonwen Williams.

UFernandez unesipiliyoni njengoba ekewadlalela iKaizer Chiefs neqembu elidlala kuBundesliga, i-Arminia Bielefeld.

Lo mdlali ukewabonakala eyozama inhlanhla nakuMpumalanga Black Aces , kodwa uClive Barker wakhetha ukungamsayinisi.

Lezi zindaba zokuthi usesayine kuWits ziqinisekiswe yisikhulu seqembu, uJose Ferreira.

Lo mdlali oneminyaka engu-36 ubudala wadlalela iBafana Bafana izikhathi ezingu-23 kanti ukuze athole ijezi njengokwesifiso sakhe kuzomele ancintisane noMoeneeb Josephs othole ukulimala ngasekuqaleni kwesonto.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).