Johannesburg - "I-Orlando Pirates (#OPFC) ijabule kakhulu ngokumemezela ukuthi uThabo Qalinge usesayine kuleli qembu esuka kuMpumalanga Black Aces," Lokhu kudalulwe yi-Orlando Pirates ekhasini layo ku-Twitter.
UQalinge ubefunwa kakhulu amaqembu amakhulu eNingizimu Afrika, i-Orlando Pirates neKaizer Chiefs kodwa lo mdlali ugcine ekhethe ukuya eParktown kulesizini ezoqala.
Usihlalo we-Orlando Pirates, uDr Irvin Khoza, ubhale ku-webisite yeqembu ukuthi ujabule ngokwamukela lomdlali oneminyaka engu-22 ubudala, ozosiza leli qembu njengoba lizodlala imiqhudelwane emihlanu kulesizini, kubika iSoccerladuma ngoLwesithathu.
"Abaphathi be-Orlando Pirates bakuqonda kahle ukuthi awukwazi ukubambelela ezintweni ezingasakusebenzeli, ngamanye amazwi asikwazi ukunqoba sisebenzisa indlela eyodwa ngaso sonke isikhathi ngoba yake yasisebenzela kudala.
Singaphansi kwengcindezi yokuba senze kangcono njengeqembu kanti uThabo Qalinge uwuhlobo lo mdlali okumfanele ukubakuleli qembu ukuze asisize.
I-Orlando Pirates izonika uThabo ithuba lokuba abonakalise ithalente lakhe aphinde asebenze ngokuzikhandla esigabeni semidlalo yase-Afrika.
“Ngokwejwayelekile abadlali basuke beyazi into abayifunayo uma bejoyina i-Orlando Pirates. Ngimfisela inhlanhla,” kusho uDr Khoza.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.