Johannesburg – Usindise iqembu lakhe iMoroka Swallows umgadli uSiyabonga Nomvethe obhakuzise inethi kabili ngesikhathi lihlula iMaritzburg United ngo 2-1.
ISwallows izinto aziyihambeli kahle kule sizini njengoba nakuwona lo mdlalo iqhamuke ngemuva yashaya amagoli amabili sekuvalwe amehlo.
Ngokubika kwe-SoccerLaduma iZinyoni belingahanjelwa kahle yizinto njengoba ibingahlaseli nhlobo kulo mdlalo obuphethwe yiTeam of Choice.
OLUNYE UDABA: 'Angisahlangani neBafana'
Ngesiwombe sesibili umqeqeshi weZinyoni uFani Madida ufake uNomvethe obese kunesikhathi engalithinti ibhola.
UNomvethe ungene wenza izinguquko kulo mdlalo njengoba eqale ukuzibonakalisa imizuzwana engenile enkundleni.
Igoli lokunqoba lo mgadli osebalwa namakhehla e-PSL ukhombisile ukuthi akalona ikhehla enkudleni njengoba ekhombise ukukhuthala okuyisimanga ukusiza iqembu lakhe libuye namaphuzu aphelele kulo mdlali obuseHarry Gwala Stadium eMgungundlovu.
- “Like” ikhasi lethu kuFacebook ukuze uthole izindaba ngolimi lwakho