'Usuhlehlisiwe owe-Afcon 2015'

Cape Town - Imibiko yabezindaba eMorocco ithi iCAF isivumile ukuhlehlisa umqhudelwano wango-2015 we-Africa Cup of Nations ngenxa yegciwane le-Ebola eNtshonalanga Afrika.

IMorocco bekulindeleke ukuba isingathe umqhudelwano webhola lezinyawo wezwekazi lase-Afrika, kodwa abezindaba kuleliya lizwe bathi emhlanganweni wangoLwesithathu obuphakathi kweCAF nekomidi elihlela imidlalo, kuvunyelwene ngokuhlehlisa lo mqhudelwano.

Manje kukholakala ukuthi lo mqhudelwano ungase ubengoJuni 2015 noma ngoJanuwari 2016.

Funda nalolu daba: 'Kuzomele ajabulise uBaxter uZulu.'

Kodwa, isinqumo sokugcina kungenzeka sithathwe emhlanganweni wekomidi eliphezulu leCAF ozoba se-Algiers ngeSonto.

Igciwane le-Ebola selibulale abantu abalinganiselwa kwabangu-5000, kubika iKickOff.com.

Izwe laseMorocco belilokhu lizama ngakho konke okusemandleni ukususa lo mqhudelwano ezandleni zalo, kanti bekubhekwe ukuba usingathwe yiNingizimu Afrika noma iGhana, kodwa okwamanje iCAF ayiyingeni leyo.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()