Uzoligcina ijezi uKhuzwayo - Baxter

Johannesburg – Umqeqeshi weKaizer Chiefs uStuart Baxter uthe u-Itumeleng Khune kusazomele asebenze kanzima kakhulu uma efuna ukuthola ijezi kuleli qembu njengoba uBrilliant Khuzwayo egila izimanga kulezi zinsuku.

Ngokubika kwe-KickOff uKhuzwayo uhlabane nendondo yokuba ngumdlali ovelele ngoLwesibili ngesikhathi iChiefs idlala ngokulingana nePolokwane City ePeter Mokaba Stadium. 

Ngemuva kwalo mdlalo uBaxter uthe akanancindezi emapalini njengoba uKhune eseqalile ukuzilolonga neqembu.

OLUNYE UDABA: Kubhekwe uKhuzwayo noMpontshane kwiBafana

“Uma uBrilliant esaqhubeka nokudlala kahle uzoligcina ijezi lingakuye lokhu kusobala.

Abadlali bethu bayazi ukuthi uma uma umdlali esadlala kahle uyaligcina ijezi kuze kube wehlelwa yifomu. Naye u-Itu uyakwazi lokho,” kusho uBaxter.

UKhuzwayo usadlale imidlalo engu-9 wangangenelwa yigoli kwengu-5 kuyo yonke imiqhudelwano kule sizini.UKhune useqalile ukuzilolonga neqembu njengoba eseluleme ekulimaleni eqakaleni akuthola ngoSepthemba.

    - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter